Германы инженерүүд олон жилийн судалгааны дүнд борооны усаар өөрийгөө нөхдөг асфальтыг амжилттай бүтээжээ. Цас, борооны тогтсон усаар тухайн асфальт цуурсан хэсгийг нөхөж чаддаг байна. Түүнчлэн хэт хүйтэнд өөрөөсөө дулаан ялгаруулах, хэт халуунд хөргөх зэрэг процессыг өөрөө хийснээр гажилтаас сэргийлдэг ажээ.

Германы Кёльн хотын ойролцоох гүүрний нэг км замыг уг асфальтаар хучин туршиж байна. Ийм богино зайг асфальтаар хучсан нь туршилтын үр дүнг уламжлалт асфальттай харьцуулах зорилготой аж. Судалгааны дүнг хагас жил орчимд цуглуулж улмаар хэрэглээнд нэвтрүүлэх эсэхийг шийдэх юм байна. Цаашид тус улс зам барилгын ажлын үр дүнг түргэсгэх зорилгоор шинжлэх ухааны нээлтүүдийг судалгааны дүнг харгалзан хэрэглээнд нэвтрүүлэх, автозамыг хиймэл оюун ухаанаар зохицуулах зорилго тавьж байгаа ажээ.