Монгол Улсын Гадаад хэргийн сайд Б.Батцэцэг Испани улсад айлчлах үеэрээ энэ асуудлыг хөндсөн байна. Тэрээр Испанийн Ваина ордонд Испанийн Гадаад хэргийн сайдтай уулзаж, Элчин сайдын яам байгуулах баримт бичигт гарын үсэг зуржээ. Мөн тус улсын Дипломатын сургуулийн магистрын хөтөлбөрт Монгол оюутнуудыг хамруулахаар болсон байна. Хоёр улсын Гадаад хэргийн сайд нар геополитикийн асуудал, Орос-Украины нөхцөл байдал зэрэг олон улсын түвшинд анхаарал татсан бусад сэдвүүдээр ярилцаж, санал бодлоо солилцжээ. Монгол Улс 1977 оны долоодугаар сарын 5-ны өдөр Испанийн Хаант улстай дипломат харилцаа тогтоосон түүхтэй.