Арабын нэгдсэн эмират улс хууль боловсруулах, батлах, хуулийн хэрэгжилтийг хангах ажилд хиймэл оюун ашиглах болсноо зарлалаа. Ингэснээр тус улсын радикал шинж чанартай хууль дүрмийн 70 хувийг хиймэл оюуны тусламжтай дахин хянахаар болжээ. Хэдийгээр хиймэл оюун ашиглах ч тус улсын шашин, соёлтой уялдсан уламжлалт хууль тогтоомжууд өөрчлөгдөхгүй юм байна.

Харин бизнес болон компанийн харилцаа, орчин үетэй нийцүүлэн өөрчилж болох хуулиудыг хиймэл оюуны “шалгалтад” оруулах юм. Хууль, зүйн ухааны дэлхийн нөлөө бүхий эрдэмтэд Арабын нэгдсэн эмиратын энэхүү шийдвэрт ихээхэн эргэлзээтэй хандаж байна. Учир нь хүний нийгмийн харилцааг зохицуулах хуулийг хиймэл оюунаар шийдвэрлэх нь өөрөө ёс суртахууны мухардалд хүргэнэ гэж тэд үзэж багйаа аж.