Археологичид Грекийн Крит арлын Чаниа хотын Хуучин суурин дахь Кастелли толгойгоос Их Александр хааныг олон янзаар дүрсэлсэн 11 алтан статир бүхий нийт 37 ширхэг маш ховор эртний зоос олжээ. Тэдгээр өндөр үнэтэй зооснууд дээр Их Александр хааныг нас, насаар нь дүрслэн цутгасан байна. Мөн III Филлип Арридей, I Селюций Никатор, Фракын Лисимахус хаадын нэртэй зоосноос гадна Македони, Ази зооснууд ч олджээ.

Их Александрыг дүрсэлсэн алт, мөнгөн зооснуудыг тухайн үеийн хөлсний цэргүүдийн сарын цалинд олгосон байх талтай гэж археологичид таамаглаж байна. 15 ширхэг мөнгөн зоос нь Элидосын статир бөгөөд МЭӨIV зуунд Олимпийн наадмын үеэр Олимпод цутгасан бол хоёр ширхэг Сирен драхм зоос, нэг ширхэг Акарнаниагийн ордонгоос гаргасан Коринт статир олдсон нь Крит арал дээр цутгажээ. Малтлагын газраас Прайсосын нэг статир, Файстосын хоёр ширхэг драхм, Хиртакинагийн нэг драхм, Кидониагийн хуурамч Аэгинит драхм хоёр ширхэг, дээр нь далай, яст мэлхийн хөөмөлтэй, эрт үеийн Аэгина зоос хоёр ширхэг тус, тус олдсон байна. Эрдэмтдийн тооцоолсноор Кидонагийн сүмийн хананд нүх ухаж нуусан эдгээр зоос нь ойролцоогоор МЭӨ 300-280 оны хооронд цутгаж, тухайн үедээ гүйлгээнд өргөн хэрэглэж байсан эд гэнэ.