Массачусетсийн технологийн их сургуулийн эрдэмтэд хүн төрөлхтний хэл 135 мянган жилийн өмнө үүсээд, нэг хэл зүйн модноо салсан гэдгийг баталсан байна. Тэд 30 гаруй жилийг энэ судалгаанд зарцуулсан бөгөөд шинжлэх ухааны өөр бусад судалгаанууд, хэл зүйн бүтээлүүдтэй танилцаад дээрх дүгнэлтэд хүрчээ.

Массачусетсийн технологийн их сургуулийн эрдэмтэн Миягава Шигэрү хэлэхдээ “Хүн төрөлхтний бүх хэл хоорондоо холбоотой. Ямар ч байсан эхний хуваагдал 135 мянган жилийн өмнө болсон гэдгийг баттай хэлж чадна. Хүний хэл ярианы чадвар тухайн цаг үед, магадгүй түүнээс ч өмнө бий болсон байх ёстой” гэжээ.

Шигэрү болон түүний багийнхан хүний бүтэн геном болон, Ү хромосом, митохондрын шинжилгээний дүгнэлтээр Хомо сапиенс анх 135 мянган жилийн өмнө өөр, өөр популяцид хуваагдан тархжээ. Тухайн цаг үед хомо сапиенсууд ямар нэгэн байдлаар өөр хоорондоо харилцдаг байсан бөгөөд дэлхий даяар нэг ижил дүрслэл бүхий хадны сүг зураг байдаг нь хэл зүйн нэг системтэй байсныг илтгэнэ. Улмаар өөр, өөр популяцид хуваагдахдаа хоорондоо ялгаатай хэл зүйн төрөл зүйл болж салсан гэх үзэл санааг дэвшүүлүжээ. Популяц болж хуваагдахад хэл зүйн харилцааны шинэ түвшин бий болсныг судалгаа харуулна гэж эрдэмтдийн баг дүгнэсэн байна.

Тэдний дэвшүүлсэн санааг зарим эрдэмтэд эсэргүүцдэг. Учир нь хомо сапиенс шинэ орчинид очмогцоо өөр зан үйлтэй болж, тухайн газар орны шинэ материалаар туршилт хийж явсаар хүн төрөхтний хэл үүссэн гэж үздэгтэй холбоотой. Харин Массачусетсийн технологийн их сургуулийнхан хүний хэл нэг системээс үүсээд цаашаа салбарласан гэх онол дэвшүүлж байна.