БНХАУ Ази тивийн батлан хамгаалах бодлогын тэргүүлэгч байр сууриа хадгалах, АНУ-ын нөлөөллийг багасгах, илүү орчин үеийн, чадавхтай арми байгуулах зорилгоор энэ онд батлан хамгаалах төсвийг 7.2 хувь нэмэгдүүлэхээр боллоо. Хятадын тухайд батлан хамгаалах зардлаараа АНУ-ын дараа дэлхийд хоёрт ордог том гүрэн юм. Одоогоор дэлхийн хамгийн том тэнгисийн цэргийн флоттой улс юм.

Бүх Хятадын ардын төлөөлөгчдийн их хурлаар батлан хамгаалах төсвийг 245 тэрбум байхаар тогтжээ. БНХАУ-ын тухайд Өмнөд Хятадын тэнгисийн бүлэг арлын маргаан, Тайванийн нөхцөл байдлаас шалтгаалан батлан хамгаалах бодлогоо эргэн харах шаардлагатай болсон. Түүнчлэн радарт үл мэдэгдэх сөнөөгч онгоц болон нисгэгчгүй төхөөрөмж, лазеран буу зэргийг хөгжүүлэхээр зорьж байна. Түүнчлэн ойрын хугацаанд роботуудыг зэвсэглэлд нэвтрүүлнэ гэдгээ зарлаад байгаа билээ.