Америкийн үндэсний хөлбөмбөгийн аварга шалгаруулах “Супер Боул”-д аман хүзүүдсэн “Канзас Сити Чифс” баг Монгол тэргүүтэй таван улсад тусламж үзүүлэхээр болжээ. Энэ жил аман хүзүүдсэн баг Монгол, Украин, Гүрж, Эстони, Латви зэрэг таван улсад эмзэг бүлгийнхэнд зориулсан тусламж үзүүлэх юм байна.

Америкийн Үндэсний хөлбөмбөгийн лиг 2014 оноос эхлэн тасалбарын орлого болон бусад орлогоос тодорхой хэмжээний мөнгө хуримтлуулж улмаар сонгогдсон улсуудын зорилтот бүлгийнхэнд туслах хөтөлбөр хэрэгжүүлж байгаа юм. Үндэсний хөлбөмбөгийн лиг “Good 360” буяны байгууллагатай хамтран дэлхийн 60 гаруй улсад өнгөрсөн хугацаанд туслаад байна.