Даньел Калифэ гэх 23 настай Их Британийн иргэнд Лондонгийн шүүхээс Иранийн талд тагнуулаар ажилласан хэргийг шүүн хэлэлцэж, 14 жил хорих ял оноосон байна. Орон нутгийн цагдаагийнхан болон тусгай албадын хамтарсан ажиллагааны үр дүнд эх орноосоо урвасан хэргээр саатуулагдаж байсан Д.Халифег шоронгоос оргосноос гурав хоногийн дараа баривчилсан аж. Түүнийг өнгөрсөн оны арваннэгдүгээр сард албаны нууц задруулсан, терроризмийн ажиллагаанд оролцож, маш нууц зэрэглэлтэй мэдээллийг Иранийн талд дамжуулсан хэмээн сэжиглэж, баривчилсан юм. Хэрэгтэн 16 насандаа Английн Эзэн хааны холбооны корпуст элсэж, холбоочноор алба хааж, цэргийн тусгай алба болон тагнуулын салааны даалгаварт удаа дараа явж байсан туршлагатай цэрэг байжээ.