Өмнөд Солонгосын агаарын тээврийн албаныхан өнгөрсөн жил Инчеонийн олон улсын нисэх онгоцны буудал дээр нийт 10.7 тонн кимчи хураан авсан талаар мэдээллээ. Олон улсын нислэгийн журамд гар тээшинд 100мл-ээс дээш хэмжээтэй шингэн зүйл авч явахыг хориглодог. Кимчи үйлдвэрээс хуванцар сав болон хуванцар ууттай гардаг бөгөөд амталгааны шүүс агуулдаг тул ийн шингэн зүйлд тооцдог байна. Солонгосчуудын хувьд гадаад орныг зорихдоо хоолны ширээний гол зууш болсон кимчийг ихээр авч явах нь түгээмэл үзэгдэл гэнэ. Үүгээр ч зогсохгүй, 2023 онд 10.5 тонн хоол амтлагч жан хураан авч байсан байна. Албаныхны тайлбарлаж буйгаар онгоцны буудал дээр хураан авсан кимчи тэргүүтэй хүнсний зүйлсийг устгалд оруулах эсвэл орон нутгийн иргэдэд үйлчлэх төвүүдэд хандивладаг гэв. БНСУ-ын эрх баригчид зорчигчдын тээшиндээ авч явах зүйлсэд хатуу арга хэмжээ авсан нь анхных биш бөгөөд өнгөрсөн жил энгийн зэрэглэлд халуун ус дэвтээж, иддэг бэлэн гоймонгоор үйлчлэхийг зогсоожээ. Учир нь, агаарын урсгалд орсон үед шөл нь асгарч онгоцонд аюултай нөхцөл байдал үүсгэх эрсдэлтэй гэж үзсэн байна.