Хүн төрөлхтөн сансар судлалын салбар нэгэн том үсрэлт хийжээ. Хиймлээр фотосинтезийн урвал үүсгэж, сансарт хүчилтөрөгч гарган авах туршилт амжилттай болсон энэхүү том үсрэлтийн эзэд нь Хятадын сансрын нисэгчид юм.

БНХАУ-ын Тиангун сансрын станц дэлхийн орбитод анх удаа хиймлээр фотосинтезийн урвал үүсгэж, пуужингийн түлшний чухал найрлагын нэг хүчилтөрөгч гарган авах туршилт амжилттай болсон талаар дэлхийн хэвлэлүүдээр мэдээлэв. Энэ шинэ инновац нь сансрын уудамд хийх алсын зайн судалгаа, тэр дундаа 2030 оноос өмнө саран дээр хүн буулгах зорилгыг биелүүлэхэд чухал ач холбогдолтой юм.

Хагас дамжуулагч катализтор ашиглан нүүрстөрөгчийн давхар исэл, усыг урвалжуулан хүчилтөрөгч болгон хувиргахын зэрэгцээ пуужингийн түлшинд ордог этилен гарган авсан туршилтын үр дүнд хүний сансарт амьдрах боломжийг нэмэгдүүлж, эх үүсвэрийн үйлдвэрлэлийн технологийг дараагийн шатанд гаргаж буйгаараа томоохон ололтдоо орно.

Электролизээс шууд хамааралтай Олон улсын сансрын станцаас ялгаатай нь Хятадын Тиангуны шинэ технологи байгалийн фотосинтезийг хиймлээр үүсгэж чаддагт оршиж байгаа юм. Энэ технологийг улам сайжруулснаар хүн төрөлхтөн Ангарагт хөл тавих, цаашлаад нарны аймгийн хамгийн алсын гарагуудад хүрэх гэх мэт урт хугацааны сансрын аяллыг хүчилтөрөгчийн хангамжийн хязгаарлалтгүй хийхээс гадна түлшний нөөцийг нөхөх бүрэн бололцоотой болох юм.