АНУ-ын Ерөнхийлөгч Дональд Трамп өнгөрсөн онд Орос, Украинийн дайныг дуусгана гэж амласан. Тэрбээр 100 хоногийн дотор дуусгана гэж төлөвлөсөн бөгөөд ажлаа авснаас хойш шуурхайлан зүтгэл гаргаж эхэллээ. Д.Трамп дайныг хэрхэн дуусгахаа Х платформ дахь хуудсаараа дамжуулан мэдэгджээ. Өөрөөр хэлбэл, дайныг дуусгах суут төлөвлөгөөгөө зарлалаа гэж хэвлэлүүдээр онцлон мэдээлж байна.

Д.Трампын нийтлэлдээ бичсэнээр ОХУ нь Дэлхийн хоёрдугаар дайныг дуусгахад АНУ-д ихээхсэн тусалсны хариуг барьж, хүндхэн байдалд орсон АНУ болон Ерөнхийлөгч В.Путинд нэг тус хүргэе гэжээ. Харин түүний саналыг эс хүлээж авбаас ОХУ-гаас АНУ-д нийлүүлж буй бүх бараанд татвар, тарифф, хориг арга хэмжээ гээд боломжит арга хэмжээ авахыг анхааруулсан байна. Мөн тэрбээр 2020 онд өөрийг нь дахин Ерөнхийлөгчөөр сонгосон бол энэ дайн эхлэх ч ёсгүй байсан гэдгийг хэлээд хурдан гэрээ, хэлэлцээрийн ширээний ард сууж, дахин нэг ч хүний амь эрсдэхээс сэргийлье гэжээ.