АНУ-ын Калифорни мужийн Лос Анжелос хотын эргэн тойронд гарсан хээрийн түймрийг унтраахад асар их хүчин чармайлт шаардаж, бидний хөлс хүчийг барж байна гэж захирагч Гевин Ньюсом аргаа баран мэдэгдлээ. Салхины нөлөөгөөр түймэр хурдацтай тархаж, гамшгийн хэмжээнээс сүйрлийн хэмжээнд хүрээд байгааг гал түймэртэй тэмцэх албаныхан мэдээллээ. Тухайлбал, Малибу, Санта Моникагийн хооронд орших далайн эрэг орчмын нутагт 18,500 акр газар юу ч үгүй шатаж, хэдэн арван мянган хүнийг нүүлгэн шилжүүлэхэд хүргэж байна. Албаныхны гаргасан тооцоогоор сүүлийн хоёр хоногт 16,000 орчим байшин барилга түймэрт өртөн шатжээ. Мөн түймэр гарснаас хойш таван хүн амиа алдсан бөгөөд энэ харамсалтай тоон баримт цаашид дахин өсөх хандлагатай байна.