Венесуэлийн Дээд шүүх өнгөрсөн даваа гарагт хариуцлага алдсан ТикТок компанийг 10 сая ам.доллараар торгох шийдвэр гаргажээ. Учир нь, тус платформоор газар авсан видео дуудлагын улмаас Венесуэльд гурван хүүхдийг үхэлд хүргэж, эрсдэлт нөхцөл байдлаас сэргийлэх арга хэмжээ аваагүй гэж буруутгасан байна.

Шүүгч Танья Д’Амелиогийн хэлснээр ТикТок компанийн хайхрамжгүй байдалд хариуцлага тооцож, торгууль төлөх найм хоног олгосны дээр салбар компаниа Венесуэльд байгуулж, орон нутгийн хууль журмын дагуу агуулгын хяналт тавин ажиллахыг даалгасан гэжээ. Гэхдээ тэрбээр Хятадад төвтэй тус компанид тавьсан торгуулийг хэрхэн төлүүлэх талаар тодорхой тайлбар хийсэнгүй. ТикТокын зүгээс ч хариу өгсөнгүй хэмээн Ассошиэтэд Пресс агентлаг мэдээллээ. Тус улс өмнө нь харилцаа холбоо зохицуулах хорооноос тогтоосон хууль, журмыг зөрчсөн гэх шалтгаанаар хэд хэдэн цахим хуудсыг хааж байсан юм.

Торгууль оногдуулсан шийдвэрийг тайлбарлахад ТикТокоор газар авсан дуудлагын улмаас 12-14 насны гурван хүүхэд тайвшруулах эм ууж нойрны дутагдалд орсон, нунтагласан эм бэлдмэл хамраараар сорсон зэрэг шалтгааны улмаас амиа алдсантай холбоотой юм байна.