Венесуэлийн Засгийн газар сөрөг хүчнээс Ерөнхийлөгчийн сонгуульд нэр дэвшиж байсан Эдмундо Гонзалезийн талаар үнэн, бодит мэдээлэл өгч баривчлахад тусалсан хүнд 100,000 ам.долларын шагнал амлалаа. Эрэн сурвалагдаж буй Э.Гонзалез нь өнгөрсөн есдүгээр сард эх орноосоо зугтаж, Испаниас улс төрийн орогнол хүссэн. Орон нутгийн эрх баригчид түүнийг хуйвалдаан зохион байгуулж, албаны бичиг баримт хуурамчаар үйлдсэн хэргээр эрэн сурвалжилж байгаа юм. Эдмундо Гонзалез нь Ерөнхийлөгч Николас Мадурог өнөөдөр буюу 2025 оны нэгдүгээр сарын 03-нд ээлжит тангарагаа өргөхөөс өмнө эх орондоо эргэн ирнэ гэсэн ч амласандаа хүрсэнгүй. Тэрбээр Засгийн газар сонгочдын саналыг луйвардаж байна гэж буруутгасан юм.

Дээрх мэдээлэл гарсны дараа Гонзалез Латин Америкийн орнуудаар хийх аялалаа эхлүүлж, Аргентин улсыг зорьж байгаа бөгөөд тэнд Н.Мадурог хурцаар шүүмжлэгч Ерөнхийлөгч Хавьер Милейтэй бямба гарагт уулзана гэсэн мэдэгдэл хийсэн нь Венесуэлийн Засгийн газраар даажигнасан явдал боллоо гэж олон улсын хэвлэлүүдээр бичиж байна.