Өнгөрсөн долоо хоногийн бямба гарагт ослын буулт хийх үеэрээ сүйрсэн Жежү Эйрийн онгоцны хар хайрцгийн мэдээллийг боловсруулж дууссан гэж БНСУ-ын тээврийн яамнаас мэдээллээ. Эхний хар хайрцагт агуулагдаж буй нисгэгчийн бүхээгийн ярианы бичлэгийг аудио файл хэлбэрт хувиргах ажил эхэлсэн бол хоёр дахь хар хайрцгийн нислэгийн мэдээллийг боловсруулж, дүн шинжилгээ хийлгэхээр АНУ-руу илгээх гэж байгаа юм байна. Шинжээчид нислэгийн үеийн мэдээлэл болон дуу хураагуурын бичлэг эмгэнэлт явдалын учир шалтгаан, тухайн мөчид чухам юу болсныг тодорхойлж өгнө гэж найдаж буйгаа илэрхийлэв. Ингэснээр 7С2216 нислэгийн Боинг 737-800 загварын онгоцны хөдөлгүүрт шувуу орсноос удирдлагаа алдсан уу, эсвэл цаг уурын нөхцөл байдлын нөлөөгөөр сүйрсэн үү гэдгийг тодорхой болгох юм. Нисэх онгоц хатуу биет мөргөсний улмаас дэлбэрч 179 хүн амиа алдсан энэ явдал нь БНСУ-ын нутагт гарсан агаарын тээврийн хамгийн эмгэнэлтэй сүйрэлд тооцогдож байна.