Бразилийн нийслэл Бразилия хотын төвд орших Дээд шүүхийн ойролцоо хоёр удаа бөмбөг дэлбэрч нэг хүн амиа алдан хэрэг өнөөдөр гарлаа. Орон нутгийн цагаар 19:30-ийн үед хоорондоо 20 секундын зайтай хоёр удаа дэлбэрэлт болсон гэж Федерал дүүргийн дэд захирагч Селина Леао мэдээлэв.

Эхний дэлбрэлт ойролцоох автомашины зогсоол дээр болсон бол хоёр дахь нь Браизилийн Конресс, Дээд шүүх, Ерөнхийлөгчийн ажлын албаны ойролцоо болсон байна. Азаар Ерөнхийлөгч Луйз Инасио Лула Да Сильва дэлбэрэлт болсон газрын ойролцоо байж таараагүй аж. Сэжигтэн Дээд шүүхийн байранд нэвтрэхийг завдсан ч цагдаагийнхан шуурхай арга хэмжээ авч таслан зогсоон гэж хатагтай С.Леао мэдээллээ.

Одоогийн байдлаар цэргийн цагдаагийнхан болох тэсрэх бөмбөгийн мэргэжилтнүүд хэрэг гарсан газрын ойролцоох байшин барилга, гудамж талбайг самнаж, аюулгүй байдлыг хангахаар ажиллаж байна.