Мексикийн буланд орших Кампече мужийн газар нутагт хэдэн мянганы турш өтгөн ширэнгэ дундаас олжээ. АНУ-ын Луйзиана мужийн Шинэ Орлеан хотын Тюлейнийн их сургуулийн түүхийн ангийн төгсөх дамжааны оюутан Люк Олд-Томас интернетээр Мексикт хийсэн дронын мэдээллийг судалж байгаад тун санамсаргүйгээр уг нээлтийг хийсэн байна.

“Антикуити” сэтгүүлд гарсан нийтлэлээс харахад өнөөгийн АНУ-ын нийслэл Вашингтон хотоос 1.5 дахин жижиг талбай эзлэн орших эртний хот нь МЭӨ1000 оны орчимд хамаарах аж. ЛиДАР системийн өгөгдлийг шинжилж үзэхэд Мексикийн Юкатан мужид орших Чичен Итцатай төстэй олон тооны пирамид бүхий нийт 6,400 гаруй байгууламж илрүүлсэн байна.

Эрдэмтдийн дэвшүүлсэн таамаглалаар 3,000 жилийн тэртээх уг хотод оргил үедээ 30,000-50,000 хүн амьдарч байсан бөгөөд цаг уурын өөрчлөлтийн нөлөөгөөр хот эзгүйрсэн бололтой.