ОХУ-аас Монгол Улсад суугаа Элчин сайд Алексей Евсиков “Известия” сонинд мэдэгдэхдээ “Шинэ Хархорум орчимд барих бага оврын АЦС-ын гэрээнд 2025 оны эхний хагаст багтан гарын үсэг зурж магадгүй” гэжээ. Ингэснээр хоёр тал энх тайвны замаар цөмийн эрчим хүч үйлдвэрлэх өргөн боломж нээгдэж байгааг цохон тэмдэглэсэн байна.

ОХУ-ын Ерөнхийлөгч Владимир Путин есдүгээр сард Монгол Улсад хийсэн айлчлалын үеэр Шинэ Хархорум орчмын тохиромжтой газарт бага оврын АЦС барих ойлголцолд хүрсэн юм. Шинэ Хархорум хотыг ирэх 20 жилийн хугацаанд хөгжүүлэхээр зориуд байгаа юм. ОХУ-ын Элчин сайдын хэлж байгаагаас үзвэл бага оврын АЦС-ын төлөвлөж буй хүчин чадал нь 330 МВт байх аж.
ОХУ-ын төрийн өмчит Росатом компани бага оврын АЦС-ын төслийн техникийн талыг өнгөрсөн есдүгээр сард баталсан гэж мэдэгдээд байна. Ташрамд дурдахад “Росатом” компани энэ оны зургаадугаар сард Улаанбаатар хотноо төлөөлөгчийн газраа нээж, “Мон-Атом” компанитай цөмийн эрчим хүчний слабарт хамтран ажилладаг юм.

Казахстаны нийслэл Астана хотноо энэ оны долоодугаар сард ШХАБ-ын гишүүн орнуудын Төрийн тэргүүн нарын дээд хэмжээний уулзалтад оролцох үеэр Монгол-Оросын төрийн тэргүүн нар уулзахад ОХУ-ын Ерөнхийлөгч Владимир Путин бага оврын АЦС барих амлалт өгч байсан юм.