Марвел студийн Төмөр хүн киноны Тони Старкын дүрээр нь та, бидний сайн мэдэх Холливуудын жүжигчин Бага Роберт Дауни тэрбумтан Элон Маскт ёс зүй заажээ. Тэрбээр саяхан Кара Свишер гэх инфлюнсерийн ярилцлаганд орох үеэр Элон Маскын талаар санаа бодлоо илэрхийлсэн юм. Төмөр хүн киноны хоёрдугаар анги дээр Элон Маск, Тони Старк нар уулзаж буй үзэгдэл гараад өнгөрдөг. Ийм учраас Кара Свишер тэдний хэр сайн танил болох талаар асуухад Роберт Дауни “Сайн танил биш. Хэдхэн удаа уулзаж байсан” гэж хариулаад “60 дөхөж гарч яваа Э.Маск ааш, авираа жаахан татах хэрэгтэй” гэж зөвлөжээ. Бараг л Тесла компаниараа овоглодог тэрбумтан олон нийтийн сүлжээ болон хэвлэл мэдээллийн хэрэгслээр улс төр, нийгэм гээд бүхий л сэдвээр чөлөөтэй үзэл бодлоо илэрхийлэхээс гадна охид хүүхнүүдийн хормойн асуудалд ч оролцож, хошуу нэмэрлэж явдаг. Магадгүй энэ нь “Төмөр Хүн”-ий дургүйцлийг хүргэдэг бололтой.