Оскарын шагналт жүжигчин Женнифер Лоуренс хоёр дахь хүүхдээ хэвлийдээ тээж буй талаар түүний хэвлэлийн төлөөлөгч “Vogue” сэтгүүлээр дамжуулан мэдээлжээ. “Өлсгөлөн тоглоом” гурван ангит киногоор үзэгчдийн танил болсон Ж.Лоуренс болон түүний нөхөр уран зургийн галлерейн захирал Күүк Марони нар 2022 онд нэг хүүтэй болж, Сай гэж нэрлэж байсан билээ. Тэд 2019 онд хуримаа хийж байв.

Жүжигчин бүсгүй 2022 онд ээж болсныхоо дараа “Vogue” сэтгүүлд өгсөн ярилцлагадаа эх хүн байх нь хүн бүрд өөр, өөр тусдаг учир “аймшигтай” гэж ярьж байжээ. Магадгүй үүнээс болоод түүнийг дахин хүүхэд төрүүлэхгүй гэсэн яриа гадуур тархсан удаатай.