БНСУ-ын зохиолч Хан Ган Нобелийн шагналын 2024 оны Утга зохиолын шагналыг хүртсэн талаар Шведийн Академи зарлалаа. Ингэснээр Хан Ган нь тус улсаас энэхүү нэр хүндтэй шагналыг хүртсэн анхны хүн болж байгаа юм. Шведийн Академиас түүнийг “Түүхэн эмгэнэл хийгээд хүний амьдралын ямархан эмзэг болохыг тод томруунаар харуулсан гүн гүнзгий утга санаа бүхий яруу найраглагаар хүүрнэдэг” хэмээн сайшаан алдаршуулжээ. Нобелийн уран зохиолын хорооны тэргүүн Эндерс Олссон зохиолчийн талаар сэтгэгдлээ хэлэхдээ “Хүний амьдрал, тэр дундаа бүсгүй хүний амьдралын эмзэглэлийг бодитоор харуулдаг” гэсэн байна. Дэлхийн уран зохиолын салбарынхан Хан Ганы бүтээлүүдтэй танилцаад хүний бие хийгээд сүнс, амьдрахуй хийгээд үхэгсэдийн нарийн бөгөөд нандин холбоосыг уран яаруу, эксперментал хэв маягаар илэрхийлдэг орчин цагийн үргэлжилсэн үгийн зохиолч хэмээн магтдаг билээ. Хан Ган зохиолч “Цагаан хоолтон” роман олон улсад танигдсан бүтээлээр хүлээн зөвшөөрөгдөж, 2016 онд Олон улсын Бүүкерийн шагналыг хүртэж байв. Мөн тэрбээр “Хүний үйлс”, “Цагаан ном”, “Грек сургааль” зэрэг бүтээлээрээ дэлхийн уран зохиолд шимтэгчдэд танигдсан юм.