АНУ-ын Төрийн нарийн бичгийн даргын орлогчоор томилогдоод удаагүй байгаа Курт Кэмпбелл Монгол Улсад айлчилна гэдгийг АНУ-ын Төрийн департаментаас мэдээллээ. Тэрбээр энэ сарын 19-23-ны өдрүүдэд Япон, Монгол Улсад айлчлах юм. Ингэснээр түүний анхны гадаад айлчлал болж байна.

Түүний айлчлал Энэтхэг-Номхон далайн үзэл баримтлал, дээрх бүс нутагт орших улс орнуудад эрх чөлөө, хөгжил цэцэглэлтийг ахиулахад тус нэмэр үзүүлнэ гэж тодорхойлжээ. Тэрбээр яг одоо Японд айлчилж байгаа бөгөөд ирэх сард Япон улсын Ерөнхий сайд Фүмио Кишидагийн хийх айлчлал, түүний бэлтгэл ажил, Япон, Филиппин, АНУ-ын г урван талт уулзалтад оролцох юм.

Харин Монгол Улсад хийх айлчал нь АНУ- Монголын стратегийн гуравдагч хөршийн түншлэлийг бэхжүүлэх, найрсаг ажиллагааг хөгжүүлэх асуудлыг хөндөн ярилцана гэдгийг онцлон тэмдэглэлээ. 

Курт М.Кэмбелл нь 1957 онд төрсөн энэ оны хочрдугаар сарын 12-ны өдрөөс АНУ-ын Төрийн нарийн бичгийн даргын орлогчийн албанд томилогдон ажиллаж байна. Тэрбээр 2009-2013 онд АНУ-ын ТНБД-гын Зүүн Ази, Номхон асуудал эрхэлсэн орлогч, 2021-2024 онд ҮАБЗ-ийн Энэтхэг-Номхон далайн асуудал эрхэлсэн зохицуулагчийн алба хашиж байсан нэгэн юм.