Испанийн марафоны тамирчин Элена Конгост барианы зурваст хүрэхээс хоёрхон метрийн зайтай ирээд тэмцээнээс хасагдаж, хүрэл медаль хүртэх боломжоо алджээ. Тэрбээр харааны бэрхшээлтэй бөгөөд Миа Кэрол Бругератай хамт гүйж байсан байна. Э.Конгост тэмцээн дуусахад гуравдугаар байрт гүйж, хэвийн дээд амжилтаа ахиулж, 42.195 км зайг 03:00:48 хугацаанд туулжээ. Гэтэл 36 настай тамирчны ийн хасагдах болсо шалтгаан нь хөтлөн гүйсэн Бругерагийн олсноос тавьсан нь юм байна. Паралимпын дүрэмд хөтөлж яваа хүнийхээ олсыг тавих нь хориотой аж. Элена Конгост нь барианы шугамд хүрэхээр хоёрхон метрийн ийм ноцтой алдаа гаргасан тул түүний гуравдугаар байрыг Японы тамирчин Мисато Мичишитад шилжүүлжээ. Энэ тэмцээний тэргүүн байрыг Мороккогийн тамирчин Фатима Эл Идрисси эзэлж, 02:48:36 хугацаанд нийт зайг туулж, дэлхийн дээд амжилтыг шинэчилсэн бол Мерьем Эн Нури мөнгөн медаль хүртэв.