Төв банкны мэдээлснээр Монгол Улсын гадаад валютын нөөц түүхэндээ анх удаа 5 тэрбум ам.долларыг давжээ. Үүнийг оны эхэн үетэй харьцуулахад даруй 95 сая ам.доллароор өссөн үзүүлэлт юм.
Гадаад валютын нөөц өсөх нь улсын зээлжих зэрэглэлд эерэгээр нөлөөлөөд зогсохгүй хувийн хэвшлийн санхүүгийн үйл ажиллагаа, төгрөгийн үнэлэмж нэмэгдэн, эдийн засгийн тогтвортой байдлыг хангах эерэг нөлөөтэй билээ. Монгол Улсын гадаад валютын нөөц 2017 онд түүхэн доод түвшинд хүрч байсан бол хамгийн сүүлд 2022 оны наймдугаар сард 2.6 тэрбум ам.доллар болж буурснаас хойш тогтмол өссөөр байна.