Сэтгэгдэл 0
![](/uploads/middle/shugeluleegch-mn-img-17192745095.jpg)
АНУ-ын Монтана мужид нэгэн гайхалтай хэрэг гарчээ. Учир юунд гэвэл өнгөрсөн долоо хоногийн пүрэв гарагт банк дээрэмдсэн хоёр удаагийн үйлдэлтэй 88 настай өвгөнд эрх чөлөөг нь хасах шийтгэл оноосон байв. Эх сурвалжуудын дамжуулснаар 90 нас дөхсөн өвгөн дөрөв хоногийн дотор хоёр банк дээрэмдсэн аж. Монтана мужийн Биллингс хотын иргэн Стивен Уайтклауд 2023 оны наймдугаар сард банк дээрэмдсэн хэрэгт оролцсон гэх үндэслэлээр өнгөрсөн хоёрдугаар сард баривчлагджээ. Ингээд хэргийг мөрдөн байцааж, С.Уайтклаудын гэм буруутайг нотлох хүртэл дөрвөн сар орчмын хугацаа зарцуулсан байна. Тойргийн шүүхээс түүний оролцсон хоёр удаагийн дээрмийн хэрэгт гурван жилийн ял оноосон боловч яллагдагч нэг удаагийн дээрэмд оролцсон гэж мэлзсээр хорих ялыг хоёр жил болгосон багасгасан байна. Мөн дээр нь 3,092 долларын торгууль оноожээ. Банк дээрэмдэх хэрэгт С.Уайтклауд тээврийн хэрэгсэл жолоодож оролцсон бөгөөд дээрэмчид нийт 15,000 долларын хохирол учруулсан гэж прокурорууд мэдээлсэн байна. Стивен Уайтклауд нь 72 настайдаа буюу 2008 онд банк дээрэмдэх гэмт хэрэг үйлдэж, арван жил хорих ял сонсож байсан аж. Гэхдээ түүнийг уушигны хорт хавдрын тавдугаар шатанд орсон, гепатит С-гээр халдаврласан, өндөр даралттай, хэрэх өвчтэй, нуруу муруйх өвчин нь хүндэрсэн зэрэг эрүүл мэндийн шалтгаанаар 2017 онд сулласан боловч эрх чөлөөтэй болмогцоо дахин гурван гэмт хэрэгт холбогджээ.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.