Сая, сая жуулчдыг татдаг Япон улсын нэгэн онцлох зүйл нь өндөр технологийн суултуур өнөөдөр дэлхий дахины тансаг зэрэглэлийн угаалгын өрөөнд заавал байх ёстой зүйлсийн тоонд оржээ. Бүлээн суудалтай, ус оновчтой шүрших технологитой бидэ суултуур тус улсад энгийн хэрэглээ болж, нийт айл өрхийн 80% хувь нь гэртээ суурилуулсан байдаг гэж Засгийн газрын судалгаанд дурджээ. Тэгвэл энэ суултуур нь борлуулалтаараа дэлхийн дахинаа, ялангуяа АНУ-д тэргүүлж, реппер Дрейк, Кардашианы гэр бүл, Александриа Окасио-Кортез гээд алдартнууд өргөнөөр хэрэглэдэг бүтээгдэхүүн болоод байна. Цахилгаан бидэ суултуурын үйлдвэрлэлд анхдагч ТОТО компани тэдний “арчихгүй, угаана” гэх уриатай технологи хилийн чанадад эрэлт ихтэй болж, 2012 оноос хойш орлого нь хоёр дахин өсөж, 100 тэрбум иен буюу 673 сая долларт хүрчээ. Үүнд нөлөөлсөн гол хүчин зүйл нь цар тахлын үе бөгөөд ариун цэврийн цаасны хэрэглээ огцом нэмэгдэж, ховордсон нь гэж эдийн засагчид тайлбарлаж байна. ТОТО-гийн бидэ суултуурын хамгийн том давуу тал бол бие зассаны дараа угаалга хийх усны температурыг тохируулж болдогт оршиж байгаа гэнэ.