“Bloomberg”-ийн мэдээлснээр, “Goldman Sachs”-ын баг нийлүүлэлтийн аюулгүй байдалд учирч буй эрсдэл нэмэгдсэнийг дурдаж, газрын тосны үнийг баррель  нь 90 ам.доллар байна гэсэн таамаглалаа  17 хувиар нэмэгдүүлжээ. ANZ банкны түүхий эдийн шинжээчид “Brent” төрлийн газрын тосны үнийн таамаглалаа 10 хувиар нэмэгдүүлж, 2026 оны эцэс гэхэд уг төрлийн газрын тосны үнэ нэг баррель нь 105 ам.долларт хүрнэ гэж үзэж байна. Харин UBS банкны хувьд энэ оны эцэс гэхэд газрын тосны үнэ нэг баррель нь 110 ам.доллар болно гэж таамаглаж байна.

Шинжээчид нэгэн дуугаар санал нэг байгаа зүйл бол газрын тосны үнийг тогтвортой бууруулах цорын ганц хүчин зүйл бол Иран, АНУ-ын хооронд байгуулах энхийн хэлэлцээр юм. "Goldman Sachs"-ийн шинжээч Даан Струйвен саяхан гаргасан тайлбартаа "Эрсдэлийн нэмэгдэл (risk premium) хурдан буурахын тулд зах зээлд оролцогчдын зүгээс тогтвортой гэж үзэхүйц дипломат шийдэл олох шаардлагатай болно" гэж онцолжээ. Иран болон Катарын албаны хүмүүсийн хооронд энхийн хэлэлцээ байгуулах боломжийн талаар гурван өдрийн турш хэлэлцсэн тухай мэдээлэл гарснаар өөдрөг хүлээлт сэргэсэн хэдий ч, энэ он дуусахаас өмнө ийм үр дүнд хүрэх магадлал тун бага хэвээр байна.