Улс төр ,Гадаад бодлого

​Монгол Улсын Ерөнхийлөгч Азербайжаны Ерөнхийлөгчид баяр хүргэсэн захидал илгээжээ

2024/05/27
Монгол Улсын Ерөнхийлөгч У.Хүрэлсүх Азербайжан улсын тусгаар тогтнолын өдрийг тохиолдуулан тус улсын Ерөнхийлөгч Илхам Алиевт баяр хүргэсэн захидал илгээжээ. Уг захидалд:

Бүгд найрамдах Азербайжан улсын Ерөнхийлөгч эрхэмсэг ноён Илхам Алиев

Эрхэмсэг ноён Ерөнхийлөгч өө,

Бүгд найрамдах Азербайжан улсын Үндэсний тусгаар тогтнолын баярын өдрийг тохиолдуулан Танд болон Азербайжан улсын найрсаг ард түмэнд чин сэтгэлийн мэндчилгээ дэвшүүлье.
Монгол, Азербайжан хоёр улсын уламжлалт найрсаг харилцаа, хамтын ажиллагаа тасралтгүй өргөжин хөгжиж байгааг тэмдэглэхэд  таатай байна. Энэ жил Баку хотноо болох НҮБ-ын Уур амьсгалын өөрчлөлтийн асуудлаарх 29-р чуулганыг зохион байгуулах болсонд чин сэтгэлийн баяр хүргэж, амжилт хүсэн ерөөе.

Эрхэмсэг ноён Ерөнхийлөгч танд болон танай гэр бүлд  эрүүл энх, сайн сайхан бүхнийг, Азербайжаны найрсаг ард түмэнд хөгжилж цэцэглэлтийг хүсэн ерөөе.

Хүндэтгэсэн,
Ухнаагийн Хүрэлсүх

Монгол Улсын Ерөнхийлөгч  гэсэн байна.

Ташрамд дурдахад Монгол Улс-Азербайжан улстай 1992 оны дөрөвдүгээр сарын 16-ны өдөр дипломат харилцаа тогтоож байсан юм.

Холбоотой мэдээ

Газрын тосны хайгуулын Хэрлэнтохой XXVIII талбайд бүтээгдэхүүн хуваах гэрээ байгуулав
“Эрүүдэн шүүлт тулгах, хүнлэг бус, хэрцгий хандахаас ангид байх хүний эрхийн хэрэгжилт”-ийн талаарх хяналтын сонсгол боллоо
Аялал жуулчлалыг хөгжүүлэх үндэсний хорооны ээлжит хуралдаан болов

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0