“Мобиком” корпорацын удирдлагуудын унаж явсан автомашин шатсанаас үүдэж Нөмрөгийн дархан цаазат газарт түймэр дэгдсэн болохыг тус компани албан ёсоор хүлээн зөвшөөрөөд буй.
Дээрх түймэртэй холбогдуулан Хил хамгаалах ерөнхий газраас мэдэгдэл гаргажээ. Тус мэдэгдэлд  “Хилийн цэргийн 0198 дугаар ангийн захирагч, хурандаа Б.Гантөгс "Мобиком"-ын удирдлага, орон нутгийн иргэд нийлсэн 13 хүн, таван автомашинд "Хилийн бүсэд нэвтрэх" зөвшөөрөл олгосон.

УИХ-ын гишүүн У.Отгонбаяр, хурандаа Б.Гантөгс нар аравдугаар сарын 6-нд Хилийн Сүмбэр боомтын шилэн кабелийн нээлтэд оролцоод буцсан тул аравдугаар сарын 8-нд түймэр гарах үед тухайн газарт байгаагүй” гэжээ.