Шүгэл үлээгч

Саятан сүрэг: Өнөөдрийн байдлаар манай 200 орчим ямаанд годрон өвчний шинж тэмдэг илрээгүй байна

1 цаг 10 минут
Хүнс, хөдөө аж ахуй, хөнгөн үйлдвэрийн сайд Ц.Идэрбат годрон өвчний нөхцөл байдлын талаар мэдээлэл өгөх үеэрээ “Цахим хуудсаар малын худалдаа эрхэлдэг “Саятан сүрэг” дэлгүүрийн оруулж ирсэн Арвас үүлдрийн ухнаас малын гоц халдварт ямааны годрон өвчин дэгдээсэн. Уг үүлдрийн ухныг хууль бусаар оруулж ирснийг Мал эмнэлгийн ерөнхий газраас тогтоосон” гэдгийг хэлсэн.

Тэгвэл уг асуудлаар “Саятан сүрэг” дэлгүүрээс тодруулахад, “Манайх Арвас үүлдрийн ухныг 2023 онд дотоодоос худалдан авч, үржүүлсэн. Өөрөөр хэлбэл, манайх импортоор оруулж ирээгүй. Манай дээр 200 орчим ямаа байгаа. Мөн өдөр бүр холбогдох албаныхан ирж үзлэг хийж байгаа. Өнөөдрийн байдлаар өвчний шинж тэмдэг илрээгүй байна. Годрон өвчин гарсантай холбоотойгоор манай 2 ямаанаас шинжилгээ авч олон улсын лаборатори руу явуулсан, хариу ирээгүй байна.

Манайх Сүхбаатар, Булган, Архангай, Хэнтий, Баянхонгор, Ховд аймгийн малчдад ухна зарсан. Эдгээр аймгаас годрон өвчин гараагүй, Ховд аймагт зарсан ухнад хүртэл шинжилгээ хийхэд хэвийн гарсан. Манайхаас ухна аваад хоёр сар бол байгаа айлд ч годрон гараагүй. Говь-Алтай аймгийн малчдад ухна зарж байсан удаагүй. Олон улсын лаборатори руу явуулсан хариу ирээгүй байхад салбарын сайд болон албаны хүмүүс манай ухнаас годрон дэгдсэн гэж мэдээлж буйд гомдолтой байна. Мөн мэдээлэл нуусан зүйл байхгүй, өөрөөс гарах бүхий л мэдээллийг өгч хамтран ажиллаж байгаа” гэв.

Холбоотой мэдээ

ТАНИЛЦ: Н.Тавинбэх нарын үйлдсэн хэргүүд
Нийслэлийн хэмжээнд өнгөрсөн долоо хоногт гал түймрийн 37 дуудлага бүртгэгджээ
Дашинчилэн-Өгийнуурын замаас Хайрхан сум чиглэлд 70 км хүртэлх авто замыг ирэх сард дуусгахаар ажиллаж байна

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 2

  • Х

    Оруулж ирсэн гээл үнэтэй ухна зараад байсан

    [ 43.242.241.174 ]
    25 мин өмнө

  • Х

    Оруулж ирсэн гээл үнэтэй ухна зараад байсан

    [ 43.242.241.174 ]
    25 мин өмнө