Анх 2002 онд олны хүртээл болж эхэлснээсээ хойш Америкийн шүтээн тэмцээн Жордин Спаркс, Керри Андервүүд, Келли Кларксон, Фантазия Баррино, Рюбен Стаддард гээд маш олон оддын замналыг тавьж өгсөн. К.Андервүүд, К.Кларксон нар хамгийн том амжилтанд хүрсэн дуучин болж явахад тэднийг төрүүлэн гаргасан шоу нь ч улам алдаршиж байлаа. Ялагчид нь “Америкийн шүтээн” хэргэмийн эзэн болохоос гадна нэлээд их хэмжээний мөнгөн шагнал, студитэй хамтран ажиллах гэрээ байгуулах эрх олж авдаг юм. Гэхдээ энэ бол дараагийн Америкийн шүтээнийг хүлээж их шагналын дөнгөж эхлэл.

Ялагч Америкийн шүтээнд түрүүлснийхээ шанд 125,000 ам.доллар авдаг байна. Бичлэгийн гэрээ байгуулдаг гэж дээр дурдсан. Гэхдээ дуучин эхний цомгийн бичлэгээ дуусгамагц дахиад 100,000 ам.доллар гардаж авдгийг хүмүүс тэр бүр мэддэггүй. Ингэснээр нийт 250,000 ам.доллар болно. Америкийн шүтээнүүд их хэмжээний мөнгөнөөс гадна цомогтой болно гэдэг ямар их хөдөлмөр шингээсэн ажил болохыг мэдэж авдаг байна. Шоуг зохион байгуулагчдын зүгээс ялагчийг хангалттай мөнгөтэй болгож өгөхийн тулд цомог бичлэгийн зардал болох 300,000 ам.долларыг нэмж олгодог гэнэ. Ингэснээр нэг удаагийн Америкийн шүтээний ялагч 500,000 ам.долларын шагналтай болох нь. Гэхдээ бичлэгийн зардал болох 300,000 амьдоллар нь бэлэг биш, харин зээл. Энэ нь ирээдүйд төлж барагдуулах нөхцөлтэй урьдчилгаа гэж ойлгож болно. Гэсэн ч 300,000 ам.доллар гэдэг бол ялагч бүрд өгдөг мөнгөн дүн биш. Анхны ялагчидтай харьцуулахад харин ч бага мөнгө. Америкийн шүтээн анх үзэгчдэд хүрэхэд Кларксон, Стаддард, Баррино нарын хүчээр шоу маш хурдан алдаршсан юм. Тэр үед шоуны нэр хүндээс шалтгаалан дээр дурдсан гурван дуучинд тус бүр нэг сая долларын хамтран ажиллах гэрээний эрх олгож байсан аж. Харамсалтай нь, сүүлийн жилүүдэд шоуны рейтинг бага, багаар унасан тул тухайн үеийн болон ирээдүйн ялагчид хагас сая орчим долларын шагнал хүртэнэ гээд ойлгочиход нэг их буруудахгүй юм байна. Гэхдээ хамгийн бага буюу 300,000 орчим ам.долларын шагнал авсан гэгдэх Аби Картер, Уйлл Мозли, Жек Блокер нарын хувьд алдартай дуучин болж, сая, сая долларын ашиг олж байгаа нь хамгийн чухал гэдгийг энд онцлууштай болов уу.