“Хүн тэнцэхгүй гэж бодсон ямар ч сургуульдаа дураараа тэнцэж болдог юм” гэж магадгүй дэлхийн хамгийн олон их сургуульд тэнцсэн гэж болохуйц сурагч Медисон Кроуэлл хэлжээ. Өдгөө 18 настай, дөнгөж ахлах сургуулиа төгссөн тэрбээр одоогийн байдлаар нийт 231 их сургуульд тэнцэж, 15 сая долларын тэтгэлэг авсан байна. М.Кроуэлл охин ингэж их амжилт олсноороо хэн ч хүссэн их сургуульдаа тэнцэж болдгийг бодитоор харуулахыг хүссэн гэж ВВС-д ярьжээ. Охин сурах сургуулиараа Умард Каролинагийн Хай Пойнтын их сургуулийг сонгож, амьдралдаа гаргасан хамгийн шилдэг шийдвэр энэ байлаа хэмээн онцолжээ. АНУ-д сурагч бүр бүх их сургуульд элсэх өргөдөл өгч болдог аж. Гэхдээ цаашид Медисон дахин хэдэн их сургуульд тэнцэхийг одоогоор тодорхой хэлэх боломжгүй байна гэж хэвлэлүүд гайхширч байна.