Дэлхий дахин

Тайландад каннабисийг дахин хориглож магадгүй болов

2024/05/09
Тайланд улс хоёр жилийн өмнө хуульчлан каннабисийн хэрэглээг зөвшөөрсөн Азийн анхны улс болж байсан бол өнөөдөр дахин хориглож магадгүй болоод байна. Учир нь, тус улсын Ерөнхий сайд каннабисийн хэрэглээний зохицуулалт дутмагийн нөлөөгөөр хүүхдүүдийн дундах хэрэглээ газар авч, гэмт хэргийн гаралт нэмэгдсэнтэй холбогдуулан хуулиар хориглох  хүсэлтэй буйгаа өнгөрөгч лхагва гарагт илэрхийлсэн байна. Ерөнхий сайд Среттха Тхависин Х платформ дахь хуудсаараа дамжуулан Эрүүл мэндийн сайдадаа хандан хар тамхины жагсаалтыг шинэчилж, каннабисийг дахин багтаах, гэхдээ зөвхөн эрүүл мэндийн зориулалтаар ашиглуулах саналтайгаа илэрхийлжээ. Үүнээс гадна, Среттха орон нутгийн эрх баригчдийг хууль бус хар тамхины наймаатай холбоотой гэмт хэргийн гаралтыг бууруулж, 90 хоногийн дотор үр дүн гаргахыг тушаасан байна. Тайланд улсын Засгийн газар 2022 онд каннабисийг зөвхөн эрүүл мэндийн зориулалтаар ашиглахыг зөвшөөрсөн ч бодит байдал дээр зах зээлд нэвтэрч, иргэдийн дунд хэрэглээ нь газар авч, түүнтэй холбоотой гэмт хэргийн гаралтай өссөн байна.

Холбоотой мэдээ

Хуурамч дардастай өндөг худалдан борлуулсан аж ахуйн нэгжид 20.000.000 төгрөгийн торгууль ногдууллаа
Туулын хурдны замын үндсэн кемпийн бэлтгэл, түр үйлдвэрлэлийн ажил 60 хувийн гүйцэтгэлтэй байна
Яндан зуухыг тогтмол хөөлөх, зуухны ам тагийг сайтар хаах, гал түлэхдээ сойлтоо хаахгүй байхыг зөвлөж байна

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0