БНАСАУ-ын удирдагч Ким Чен Уны гэр бүлийн гурван үед суртал ухуулагчаар ажилласан Ким Ги Нам 94 насандаа нас баржээ. Насны доройтлын улмаас дотор эрхтэнүүд нь доголдож, 2022 оноос хойш эмнэлгийн асаргаанд байсан гэж Умард Солонгосын төрийн мэдлийн KCNA агентлаг мэдээлсэн байна. Ким Ги Нам нь хэдэн арван жилийн турш Умард Солонгосын удирдагчдад хүчин зүтгэхдээ дарангуйллын тогтолцоог бэхжүүлэх, Кимийн гэр бүлийг тойрон хүрээлэл үүсгэх суртал ухуулгыг маш амжилттай зохион байгуулан хэрэгжүүлж иржээ. Үүний учир “Гарамгай суртал ухуулагч” гэх алдартай болоод байсан билээ. Түүнийг оршуулах ёслол өнөөдөр болж, тус улсын тэргүүн Ким Чен Ун оролцсон байна.