Ойрх Дорнодын бүс нутагт геополитикийн хурцадмар байдал даамжирч, цаашид ч сунжрах төлөвтэй байгаа нь эрчим хүчний шок, түүнээс үүдэн инфляц өсөж болзошгүйг Дэлхийн банкнаас анхаарууллаа. Энэ сарын эхээр ОПЕК-ийн гишүүн Израиль болон  Иран улсууд анх удаагаа газар нутагт харилцан довтолсон нь байдлыг улам хурцатгасан юм. Үүнээс үүдэн түүхий эдийн зах зээл дээр газрын тосны ханш баррельт тутамдаа 100 ам.доллароос давсан билээ. Цаашлаад энэхүү хурцадмал байдал түүхий нефтийн нийлүүлэлт ч нөлөөлөх вий гэсэн болгоомжлол байна.
Дэлхийн банкны ахлах эдийн засагч Индермит Гилл хэлэхдээ “Дэлхий нийт эмзэг байдалд байна. Инфляц буурах төлөв ажиглагдаж байсан ч эрчим хүч, газрын тосны салбарт үүссэн сөрөг нөлөөллөөс шалтгаалан инфляц эргэн өсөж болзошгүй” гэжээ.

Дэлхийн банкны түүхий эдийн зах зээлийн төлөв байдлын тайланд дурдсанаар, Ойрх Дорнодын газрын тос олборлодог улс орнууд өөр хоорондоо зөрчилдсөөр байвал өдөрт 3 сая баррель газрын тосн олборлолт тасалдаж болзошгүй гэж дүгнэжээ. Хэрэв ийм байдалд хүрвэл нефтийн ханш баррель тутамдаа 102 ам.доллароос давна. Ийм хэмжээгээр үнийн өсөлт инфляцыг хөөргөдөж болзошгүйг тайланд дурджээ.

Цар тахлын хямралаас үүдэн дэлхий даяар инфляцын өсөлт ажиглагдаж байсан ч 2022-2023 оны санхүүгийн жилд дэлхий даяар инфляц хоёр хувиар буураад байжээ. Энэ нь түүхий эдийн үнэ бараг 40% унасантай холбоотой.