Уул уурхай олборлолтын шинжилгээний “Бенчмарк Минерал” байгууллагын тооцоолсноор Африк тивийн литийн олборлолт 2024 оны эцэс гэхэд бараг гурав дахин нэмэгдэх төлөвтэй байна. Өнгөрсөн онд африкийн бүс нутаг дэлхийн литийн олборлолтын 4 орчим хувийг бүрдүүлдэг байсан бол энэ жил энэ тоо 10% хүрэх судалгаа гарчээ. Чухамдаа энэ тивд лити болон газрын ховор элемент олборлох төсөлд Хятадын хөрөнгө оруулалт нэмэгдсэнтэй холбоотой байна. Хятадын компаниуд тус тивийн литийн ихэнх төслүүдэд оролцож байгаа бөгөөд ирэх 10 жилийн дотор африк тивийн литийн олборлолтын 90 гаруй хувийг Хятадын хөрөнгө оруулалттай компаниуд нийлүүлэх төлөвтэй байна.

Хэдийгээр эдийн засаг болон улстөрийн томоохон хямралтай байгаа ч Зимбабве улс өнгөрсөн жил 3400 тонн лити олборлож, дэлхийд литийн олборлолтоороо долоодугаарт эрэмбэлэгджээ. Одоо тус улсад жилд 450 мянган тонн лити олборлох хүчин чадал бүхий Аркадиа төсөлд Хятадын Жэжян Хуайоу Кобальт компани хөрөнгө оруулаад байна. БНХАУ-ын тухайд дэлхийн литийн нөөцийн дөнгөж 11 хувийг бүрдүүлдэг ч гаднын төслүүдэд хөрөнгө оруулах замаар литийн олборлолтоо өсгөхөөр төлөвлөжээ.

Эх сурвалж: Mining.com