Энэ оны гуравдугаар сарын 31-ний байдлаар Ашигт малтмалын хүчин төгөлдөр тусгай зөвшөөрлийн тоо 2697-д хүрснийг Ашигт малтмал, газрын тосны газрын тайланд дурджээ. Нийт зөвшөөрөл 6.6 мянган га талбайг хамарч байгаа аж.

Өнгөрсөн онд хайгуулын лиценз олгохыг түр зогсоогоод байсан. Тэгвэл Уул уурхай, хүнд үйлдвэрийн яам энэ гуравдугаар сарын 1-ний өдрөөс эхлэн лиценз олгох талбайг зарлаж эхэлжээ. Гуравдугаар сарын 1-нээс хойш долоо хоног бүр 10 талбай шинээр зарласаар одоогийн байдлаар 71 талбайд хайгуул хийх сонгон шалгаруулалт зарлаад байна.