БНХАУ-ын томоохон боомтуудад нүүрсний нөөц нэмэгдэж, үүнээс шалтгаалан дотоодын зах зээлд нүүрсний үнэ хямд байгаагаас шалтгаалан тус улсын нүүрсний импорт энэ сард ч буурах төлвөтэй байна. Тус улсын Нүүрс тээвэр, түгээлтийн холбооны мэдээллээс харвал Индонезийн тал АМНАТ-ыг нэмэхээр болж. Үүнтэй холбоотойгоор Индонезийн чанар багатай эрчим хүчний нүүрсний үнэс Хятадынхаас өсөөд байна.

Гэхдээ Монгол Улсад гялтайх ганц мэдээ бий. Учир нь Трампын тарифын бодлогоос болж зогссон АНУ-ын импортыг нөхөх үүднээс Орос, Монголоос авах нүүрсийг нэмэгдүүлэх боломжтой гэж Хятадууд үзэж байна. Өмнөд Африк, Колумб зэрэг алсаас тээвэрлэдэг нүүрсний импортыг багасгах нь илүү ашигтай байгаа бөгөөд газар нутгийн хувьд ойр түншүүдээс авах нь ашигтай байгааг тус холбоо тодотгожээ.

Ташрамд дурдахад Монгол Улс 2025 оны эхний улирлын байдлаар 17.5 сая тонн нүүрс экспортолсон нь өнгөрсөн оны мөн үеийнхээс 600 мянган тонноор буурсан үзүүлэлт юм. Гэхдээ хөрш улс орнуудын нөхцөл байдлаас шалтгаалан энэ тоо өсөх магадлалтай байгаа билээ.