Палеонтологчид  1980-аад онд Узбекийн нутгаас олдсон нэгэн үлэг гүрвэлийн ясанд шинжилгээ хийж үзээд Тиранозавраас хэдэн мянган жилийн өмнө амьдарч байсан аварга үлэг гүрвэлийнх болохыг тогтоогоод байна. Энэхүү шинэ үлэг гүрвэлийн төрөл зүйлд “Улугбегазавар” гэж нэрлэжээ. Эрдэмтдийн үзэж байгаачлан энэ үлэг гүрвэл нь хамраас сүүлний үзүүр хүртэл 7.3-7.9 метр урт, 997.9 тонн жинтэй байж. Бараг нэг тонн хүртэл жин татах энэхүү аварга амьтан тиранозавртай нэгэн үед дэлхийд ноёлж байгаад 89 сая орчим жилийн өмнө устсан байна. Устах болсон гол шалтгаан нь тиранозаврын шүд болон булчин илүү чадварлаг болж хувьсан өөрчлөгдсөн нь энэ төрөл зүйлийн идэш тэжээлийн олдоцыг муутгаж улмаар мөхжээ. Өөр нэг таамаг байдаг нь идэш тэжээл нь цөөрч, экологийн байдал өөрчлөгдсөнтэй холбоотой байж болзошгүй байна.

Анх 1980-аад оны дундуур Зөвлөлтийн палеонтологичид Узбекистаны нутгаар эрүүний аварга том чулуужсан ясыг илрүүлж байжээ. Хэдийгээр тухайн үед тиранозавраас ч аварга том үлэг гүрвэл байж магадгүй гэж байсан ч орон нутгийн музейд тавьснаар 2010-аад оныг хүртэл хэн ч тоогоогүй аж. Улмаар Японы палеонтологич Танака Кохэй 2019 онд ясны бүтцэд шинжилгээ хийснээр аварга том амьтан байсныг дэлхий нийтэд зарласан юм. Эрүүний ясыг харвал маш том хурц шүдтэй, эрүүний яс нь тиранозаврынх шиг хөгжиж чадаагүй байсныг харж болно. Тиранозаврын эрүү нь яс бутлахад зохицсон бахим, нягт сайтай байдаг ажээ.

Эх сурвалж: The Brighter Side