Итали улсад ирэх жил болох “Милан-Кортина 2025” өвлийн олимп, паралимпын наадмын тасалбарыг өнөөдрөөс борлуулж эхэллээ. Ирэх жилийн хоёрдугаар сарын 6-22-ны өдрүүдэд Италийн хоёр ч хотод зохион байгуулагдах өвлийн олимпын тасалбарыг компани болон хувь хүмүүст зориулан худалдаанд гаргах юм. Цахим худалдан авалтаар нэг хүн 25-аас илүү тасалбар авч болохгүй. Мөн Итали улсад аяллын ямар компаниар зуучлуулан ирж байгаагаа тодорхой бөглөх ёстой аж.

Өвлийн олимпын наадмын нээлтийн ёслол Милан хотын алдарт Сан Сиро цэнгэлдэхэд 2026 оны хоёрдугаар сарын 6-нд болно. Нийт өвлийн спортын 116 төрлийн тэмцээнд хүч сорих олимпын наадам хоёрдугаар сарын 22-ны өдөр хаагдах хуваарьтай. Итали улс ийнхүү гурав дахь удаагаа өвлийн наадам зохион байгуулах гэж байна.