Хойд Америкийн сагсан бөмбөгийн холбоо NBA-н Бүх оддын тоглолтод 10 удаа сонгогдсон, Бүх NBA-н хоёрдугаар багт хоёр удаа, Бүх NBA-н гуравдугаар багт дөрвөн удаа сонгогдсон, 2013 онд онооны аварга болж, NBA-н 75 дахь жилийн бэлгэдлийн багт сонгогдсон нэрт сагсан бөмбөгч Кармело Энтони 2025 оны Алдрын танхимд сонгогджээ. Энэ тухай спортын алдарт ESPN суваг мэдээлсэн байна.

Тэрбээр 19 жилийн тоглогчийн замналдаа 22.5 оноо, 6.2 самбар, 2.7 дамжуулалт дунджилж байсан туршлагатай тоглогч юм. АНУ-ын Үндэсний шигшээ багийн хамтаар Олимпын наадамд гурван удаа түрүүлж байжээ. Сагсанбөмбөгийн замналаа Денвер Наггетс багаас эхлүүлсэн тэрээр нийт зургаан баг дамжин, 2021-2022 оны улиралд Лос Анжелес Лейкерс багт замналаа өндөрлүүлсэн юм.