ОХУ, АНУ-тай газрын ховор элементийн салбарт хамтрахаар болжээ. Улмаар хоёр талын төсөл хөтөлбөрүүдийг уялдуулах юм байна. Энэ талаар ОХУ-ын Шууд хөрөнгө оруулалтын сангийн тэргүүн Кирилл Дмитриев ярихдаа "Газрын ховор элемент бол бидний хамтын ажиллагааны чухал салбар. ОХУ-д хэрэгжүүлэх төсөл хөтөлбөрүүдэд хамтран ажиллахаар ярилцаж байна" гэжээ. Одоогоор хэд, хэдэн компани оролцох хүсэлтээ илэрхийлсэн ч нарийн мэдээлэл тодорхой болоогүй байна. ОХУ-ын Ерөнхийлөгч Владимир Путин өнгөрсөн сард ОХУ-д эзлэгдсэн Украины газар нутгуудыг багтаасан газрын ховор элементийг хагжүүлэх чиглэлд АНУ-тай хамтрахад бэлэн гэдгээ мэдэгдсэн юм. ОХУ газрын ховор элементийн нөөцөөрөө дэлхийд тавдугаарт ордог. ОХУ-ын Байгалийн нөөцийн яамны мэдээллээс харвал 658 сая метр тонн ховор метал, тэр дундаа 28.5 сая тонн газрын ховор элементийн нөөцтэй гэх тоо бий. Гэсэн ч ОХУ дэлхийн ховор металын үйлдвэрлэлийн ердөө нэг хувийг эзэлдэг, үйлдвэрийн хүчин чадал багатай орны нэг юм.