Дөнгөж сая Зүүн өмнөд Азийн хоёр ч улсын ойролцоо 7.7 магнитудын хүчтэй газар хөдөллөө. Газар хөдлөлийн голомт Мьянмар улсын Мандалай хотын орчимд байжээ. Газар хөдлөлийн чичирхийлэл Тайландын нийслэл Бангкок хотод орон нутгийн цагаар 13:30 цагт мэдрэгдсэн байна. Одоогоор гамшгийн улмаас хохирсон хүмүүс болон хохиролын тоо тодорхой болоогүй байгаа аж.

Харин өчигдөр Төв Азийн Киргизстан, Казахстан улсад 5.5 магнитудын хүчтэй газар хөдөлжээ. Киргизийн одон орон геофизикийн хүрээлэнгийн мэдээлслнээр газар хөдлөлийн голомт 17 км-ын гүнд байжээ. Казахстаны төв хэсэгт өчигдөр үүрээр газар хөдлөлийн чичирхийлэл мэдрэгдсэн ч хохирлын тодорхой мэдээлэл ил болоогүй байна.