Японы жуулчлалын төв цэг, Японы бэлгэ тэмдэг болсон Фүжи хайрханд авирахын тулд нэмэлт хураамж төлөх зохицуулалт ирэх сараас эхлэн үйлчлэх гэж байна. Фүжи хайрханд авирахыг хүссэн жуулчид 4000 иен буюу 27 ам.долларын төлөх ёстой бөгөөд Шизүока болон Яманаши мужуудад нэмэлт шалгалт өгөх шаардлагатай болж байна. Өөрөөр хэлбэл ууланд авирах аюулгүйн дүрэм, тусгай хэрэглэлээр бүрэн тоноглогдсон байдал, яаралтай үед авах тусламж зэргийг богино хугацаанд шалгуулах юм.

Сүүлийн жилүүдэд Фүжи хайрханы хог дийлдэхээ болж, байгаль экологид сөргөөр нөлөөлж байгаа гэж үзэн шинэ журам ийнхүү хэрэгжихээр болжээ. Өмнө нь Фүжи хайрханд авирагчид 1000 иенийг сайн дурын үндсэн дээр Фүжи хайрханы захиргаанд хандивладаг байсан юм.