Холимог тулааны од Конор МакГрегор Ирландын Ерөнхийлөгчийн сонгуульд өрсөлдөнө гэдгээ албан ёсоор зарлалаа. Тэрбээр цагаачлалын эсрэг бодлого баримталж Ирландыг дотоодын түрэмгийллээс хамгаална гэдгээ мэдэгдээд байна.

Сүүлийн жилүүдэд хэт барууны үзэл баримтлалаараа алдаршиж энэ төрлийн улстөрчид болон нам эвслээс эрс ялгарч дэмжигч олонтой болоод байгаа түүнийг Ерөнхийлөгчийн сонгуулийн хатуу өрсөлдөгч байна гэж таамаглаж байна. Тэрбээр хэлэхдээ “Ирланд улс Ирланд гэх мөн чанараа алдаж болзошгүй байна. Ирландыг Ирланд хэвээр байлгахын тулд цагаачлалын бодлогоос нэн даруй татгалзах ёстой” гэжээ.

Нэгэн цагт холимог тулааны UFC тэмцээний нүүр царай болж, хоёр өөр жингийн аварга болж, 2021 онд дэлхийн хамгийн өндөр орлоготой тамирчин болж байсан тэрээр дөрвөн жилийн өмнөөс тулалдахаа больсон. Энэ хугацаанд Ирландад бэлгийн хүчирхийллийн хэрэгт холбогдож гол дуулианы эзэн болсон билээ. Өнгөрсөн намар түүнд холбогдох хэргийг Ирландын тангарагтны шүүх хэлэлцэж, “хэрцгийлэн зодож, бэлгийн харьцаанд орсон” гэж үзэн 257 мянган ам.долларын нөхөн олговор олгохоор шийдвэрлэсэн юм.

Бүгд найрамдах Ирланд улсын Ерөнхийлөгчийн сонгууль энэ оны 11 дүгээр сарын 11-ний өдөр болох товтой байна. Сүүлийн хоёр ч сонгуульд бие даан нэр дэвшсэн социологич Майкл Хиггинс ялалт байгуулаад байгаа билээ.