Даваа гарагийн өглөө Нью-Йоркийн “Комекс” бирж дээр тонн тутамдаа 9900 ам.доллар болж өслөө. Хятадын Засгийн газар дотоодын хэрэглээг нэмэгдүүлнэ гэж мэдэгдсэний дараа ийнхүү зэсийн ханш өссөн байна. АНУ-ын засаг захиргаа Хятадын бүтээгдэхүүнд тариф оноож байгааг зарласны дараа Хятадын тал дотоодын хэрэглээг нэмэгдүүлэх зэрэг тодорхой арга хэмжээ авсан нь үр дүнд хүрч жижиглэнгийн худалдаа өнгөрсөн сард 4% өссөн нь таамаглалаас давжээ. 

АНУ-ын Ерөнхийлөгч Дональд Трамп Хятадын зэсийн бүтээгдэхүүнд тариф оноож байгааг зарласнаас хойш зэсийн ханш ойролцоогоор 12% өсжээ. Гэхдээ харах нэг тоо бий. БНХАУ-ын хувьд зэсийн үйлдвэрлэл өмнөх сараас 24% буурсан нь сүүлийн есөн сарын хамгийн доод түвшин юм.

Санхүүгийн алдарт “СитиГрупп” нөхцөл байдлаас шалтгаалан зэсийн ханш ойрын гурван сард тонн тутамдаа 10 мянган ам.долларт хүрнэ гэх таамаглал дэвшүүлжээ. Үүнтэй адил таамаглалыг санхүүгийн өөр нэгэн томоохон компани болох “Морган Стэнли” дэвшүүлээд байгаа юм.