“Рио Тинто” компани шинэ бонд гарган найман транчаар хуваан худалдаж нийт есөн тэрбум ам.долларыг босголоо. Шинэ бонд нь “Аркадиум Лити”-ийг худалдаж авах 6.7 тэрбум ам.долларын хэлцлийг санхүүжүүлсэн богино хугацааны зээлийг төлөхөд зориулагдах юм.

Дээрх бонд нь 40 жилийн хугацаатай, АНУ-ын Засгийн газрын жишиг бондын өгөөжөөс 1.33 нэгж хувиар өндөр хүүтэй байсан байна. Бондын захиалга оргил үедээ 50 тэрбум ам.доллар хүрчээ.