Данийн өөртөө засах Гренланд мужид ээлжит сонгууль зохион байгуулагдлаа. Сонгуулийн үр дүнгээр баруун төвийн үзэл баримтлалтай Ардчилсан нам ялалт байгуулжээ. Урьдчилсан дүнгээр Ардчилсан нам 30.26 хувийн санал авсан бол Налерак нам 24.77 хувийн саналаар удаалсан байна. Сонгуульд ялалт байгуулах нь тодорхой болсон Ардчилсан нам нь Гренландыг Данийн засаг захиргаанаас тусгаар тогтнуулах үндсэн үзэл баримтлалтай нам юм. Хэдийгээр энэ нам анх байгуулагдахдаа өөртөө засах эрхтэйгээр Данийн засаг захиргааны нэг хэсэг байхыг дэмжиж байсан ч аажимдаа тусгаар тогтнох нь чухал гэх байр суурь баримтлах болжээ.

Гренланд нь 1814 онд Данийн нэг хэсэг болж нэгдэн, 1979 онд албан ёсны колони улс болж, 2009 оноос өөртөө засах мужийн статустай болсон юм. Сүүлийн үед АНУ-ын Ерөнхийлөгч Доналд Трамп АНУ-ын газар нутгийн нэг хэсэг байх ёстой гэж мэдэгдэж байгаа нь энэ удаагийн сонгуулийн гол сэдвийн нэг байлаа. Энэ удаагийн сонгуульд оролцсон аль ч нам АНУ-ын ч, тэр ч бүү хэл Данийн ч газар нутгийн нэг хэсэг биш гэдэг байр суурьтай байсан юм.

Он дөнгөж гарсны дараа Гренландад тусгаар тогтнох эсэх асуудлаар бүх нийтийн санал асуулга явуулсан. Энэ асуулгаар дийлэнх оршин суугчид нь тусгаар тогтнолыг дэмжиж байсан ч цаг хугацаааны хувьд болоогүй гэсэн байр суурьтай байсан юм. Данийн хувьд ашигт малтмал тэр дундаа байгалийн хий, газрын ховор элементээр нэн баян нутаг юм. Байгаль, газар зүйн нөхцөл байдлаас шалтгаалан сэргээгдэх эрчим хүч хөгжих бүрэн боломжтой гэж Европын холбооны дүгнэлтэд дурдсан нь бий.