“Эрдэнэс Тавантолгой” ХК өнгөрөгч 2024 онд нийт 30.4 сая тонн нүүрс олборлож, 29.6 сая тонн нүүрс борлуулсан байна. Нийтдээ гурван тэрбум ам.доллар буюу 10.2 их наяд төгрөгийн борлуулалтын орлоготой ажилласан байна. Үүнээс 3.5 их наядыг нь улсын төсөвт татвар хэлбэрээр төвлөрүүлжээ.

Цэвэр ашгаар нь тооцвол 4.5 их наяд төгрөг гэсэн үг. Энэ жил АНУ, Хятадын хооронд худалдааны нэн шинэ дайн өрнөж, үүнээс шалтгаалан нүүрсний үнэ 44% унаад байна. Энэ нь тус компанийн хувьд хамгийн том сорилт юм. Дэлхийн санхүүгийн томоохон байгууллагууд оны хоёрдугаар хагаст нүүрсний үнэ сэргэж магадгүй гэж дүгнэж байна.