Монгол Улсын гадаад худалдаа нэгдүгээр сард 1.9 тэрбум ам.доллар болж, өмнөх оны мөн үетэй харьцуулахад 11.9% буурсан тухай Гаалийн ерөнхий газрын мэдээлэлд дурджээ.

Ийнхүү буурах болсон шалтгаан нь БНХАУ-ын хил дээрх агуулахууд дүүрч, татан авалт удааширсан нь Монголын талаас нүүрсний экспорт удааширч, үнэ бага зэрэг буурч байгаа аж. Нийт экспортын 44.1% нь чулуун нүүрс, 25.9% нь зэсийн хүдрийн баяжмал бүрдүүлсэн байна.